Valldal 2029 er Møre og Romsdal fylke sitt bidrag til det nasjonale jubileet Noreg i 1000 år.
I 2029 er det tusen år sidan Olav Haraldsson flykta innover fjordane på Sunnmøre. Ifølgje Snorre sine kongesoger gjekk han i land i Valldal og flykta vidare til fots opp gjennom dalen og over fjellet.
Denne soga har vore fortald i mange generasjonar. Ho lever framleis fordi ho knyter saman historie, stad og menneske.
Vi skal også skape folkefest i heile Møre og Romsdal.
Frå 6.–10. juni 2029 inviterer vi store og små til feiring på tvers av bygder og byar.
Målet er å løfte fram det som gjer kvar stad unik, og samstundes kjenne at vi er del av det same fellesskapet.
-2.jpg)
